فريق ماندالا مجانين باختصار، فنانين جدا، من أول تعامل معاهم تلاحظ اهتمامهم بالمعنى والأهداف، اسئلتهم كثيرة ولكنها في مكانها، وكل مره ننبهر من مستوى الإبداع اللي يحولون فيه الرؤية إلى تجربة حقيقية تتجسد في كل زوايا الحدث بأسلوب ومختلف

نور شخصية مميزة ومختلفة… هي وفريقها من أحرص وأتقن الأشخاص اللي التقينا فيهم خلال مسيرتنا المهنية. فخورين جدا فيهم وفي الرسالة والرؤية اللي يصنعونها، أفكارهم إبداعية ومختلفة، فنانين ... هذا المزيج من الشغف والإتقان نادر جدًا في هذا الوقت

باختصار عندكم إتقان عجيب في التنفيذ. أول شي ولا مره أرسلت أو دقيت وما تم الرد بشكل سريع، حتى في وقت متأخر وفي الويكند وهالنقطة تحسب لكم، من أول دقيقة إلى آخر لحظة الفريق متواجد، مركزين ومنتبهين على كل التفاصيل، وتعدلون شغلكم وشغل غيركم ترا ملاحظين ... فخورين فيكم ومن نجاح لنجاح إن شاء الله

إتقان واهتمام في التفاصيل، فاجؤونا بأشياء حتى ما كانت ضمن الاتفاق الرسمي بيننا، كانوا كريمين جدا في الأفكار والتنفيذ، الموظفين والأطفال عاشوا أجواء لا تنسى، بالذات الأطفال ما كان ودهم يغادرون الحفل، والفرقة الموسيقية في الرياض فوق الوصف، فريق سعودي نفخر فيهم

 فريق البحث والتطوير عندكم استثنائي، بالعادة تجينا أفكار حلوة ولكنها عشوائية، الطريقة اللي انتوا تهندسون وتصممون فيها الفكرة مختلفة، كأنها قصة كُتبت وأُخرجت خصيصا لنا، مو كل الأفكار جديدة أو مبهرة ولكن الحبكة والطريقة المتكاملة لعملكم هي الشي المميز والمختلف --- الحبكة اللي عندكم هي الشي المميز والنادر

كانت فعاليتنا بسيطة ومرتبة، تواصلت مع فريق ماندالا وكان عندهم ملف متكامل فيه أفكار متنوعة وجديدة تماما عن المعتاد، اجتمعنا وحددنا الأفكار اللي ودنا نطبقها حسب ميزانيتنا، كان الاجتماع واضح وأنجزنا فيه، بعدها زرنا موقع الفعالية وعكسنا الخطة على المكان، وبالضبط نفس اتفاقنا حصل وتجسد يوم الحفل، الحلو في فريق ماندالا هو مرونتهم ووقفتهم معاك طوال الوقت، سريعين في الرد والتجاوب ودايما فيه أحد متواجد

الطريقة اللي يتعامل فيها هذا الفريق مع البحث نادرة جدا، نور - مؤسسة فريق ماندالا عندها استعداد تستمع إلى كل المؤرخين وتقرأ عشرات المراجع ثم تتخلص من هذا الزاخم الهائل من المعلومات وتتمسك بشيء واحد فقط ... طريقة عملها مخيفة للمشاهد وأكيد ممتعة لها ولكن الأهم إن التنتيجة مدهشة للجيمع

فريق إدارة المشروع في ماندالا وعلى رأسهم أ. زياد السويلم قمة في الأخلاق والإتقان، تواجد ودعم مستمر، ومرونة وابتكار حلول، نادر تشوف شخص يجمع بين الإتقان في إدارة المشاريع والفن والابتكار وفريق ماندالا عندهم هذي التشكيلة، سعدنا جدا بالعمل معكم وما قصرتوا، كانت النتيجة أحلى من التصميم